Kheloui Lounes aurait eu 70 ans
Xelwi Lwennas, ilul deg wass n 14 deg wayyur n mayu n useggas 1950, deg taddert tameqqṛant « Iḥesnawen », di Tizi Wezzu.
D acennay i iḍefren abrid n cceɛbi s tutlayt taqvaylit. Yekcem annar n ccna asmi yesɛa 16 n yiseggasen di tudert-is. Tizlit-is tamezwarut yura-tt deg useggas n 1961, yefka-as azwel « sseɛd-iw ».
Deg useggas n 1972, yessekles aḍebsi-ines amenzu. Ma d tasfift-is tamezwarut i wumi isemma « ay afrux », teffeɣ-d deg useggas n 1978 di Fransa ɣer teẓrigin « Azwaw ».
Xelwi Lwennas yecna nezzeh ɣef tayri, inig{l’exil}, lḥif akked tudert. D winn ixedmen aṭas n tmeɣriwin ama dagi di tmurt neɣ deg yinig. Iḥemmel s waṭas Ccix Lḥesnawi akked Sliman Σazem.
D netta i d acennay aqbayli amenzu i yecnan di tnezduɣt tasdawant n Wasif Aɛisi. Rnu ɣer waya, iḥemmel nezzeh tarbaɛt n JSK. Ay anda turar, ad yeddu yid-s. Yessiki ula di tkliwin, yerfed anay aqvayli. Yefka afus n tallelt i yimeɣnasen, armi i d-tezzi ɣer-s tmettant, tewwi-t i lebda.
Lwennas Xelwi yemmut deg sbiṭar n Muḥemmed Neddir n Tizi Wezzu, ɣef tudert n 66 n yiseggasen, ass n 03 deg unbir n useggas 2016. Yettwamḍel deg wakal-is, gar lejdud-is. Yeǧǧad deffir-s agerruj ur nettmettat.
