Portrait de Ahcene Mezani, l'auteur de la chanson "Yelli-s n Crif"
Ḥsen Mezzani ilul deg n taddert n Lḥemmam, di temnaḍt n At Yiraten, agezdu n Tizi Wezzu, deg tmurt n Yiqvayliyen, deg wass n 22 deg wayyur n mayu n useggas 1922. Yemmut deg wass n 24 n wayyur n ctember 1985. Sebba n lmut-is d aṭṭan n lkunṣir n tmiǧǧa.
Ḥsen Mezzani d yiwen seg yinelmaden n umẓawan ameqran n Teqbaylit, wayyi d mass Mḥemmed Igerbucen. Akken daɣ i yekki di terbaɛt{orchestre} i yettwassnen nezzeh di tallit-nni, n Misum Σemrawi.
Hsen Mezzani yewwi avrid ɣer yinig deg useggas n 1941, akken d ilemẓi, am netta am tezyiwin-is n yimir-nni. Yers di tmurt n Fransa.
Deg useggas 1956, yessekles tizlit-is i yettwasnen nezzeh “ A yelli-s n crif ”. Aseggas ɣer zdat yerna yessekles snat n tezlatin nniḍen. Syin d asawen yerna-d tizlit anda iy as-yeqqar “Ruḥ ad teɣreḍ ruḥ”.
Deg useggas n 1971 qecɛent-id si Fransa. Yers di temdint n Lezzayer. Yettili deg yiwen n usensu deg uɣlad n Ṭanja. D kra n yimdukkal-is i t-irefden, fkan-as tallelt, am Ccix Nureddin, d Walṭac Arezqi. Almi d aseggas n 1974 i t-yewwi gma-s ameqran ɣer taddert.
Din i ikemmel tudert-is almi d ass i deg i yemmut s waṭṭan n lkunṣir n tmiǧǧa{cancer de la gorge}, ɣef yixef-is 63 n yiseggasen.
