6 documentaires à voir sur des artistes Kabyles qui nous ont quittés
Aṭas n yisura d yimselɣat i d-yeffɣen ama ɣef umezruy neɣ tudert n tlawin d yirgazen i yessulin lsas n Teqbaylit d yidles-ines. D wid ara yelhun i wussan-a mi teqqimem(t) deg yixxamen. Ihi ɣas faṛset tagnit. Gar-asen :
1- Zuhṛa, ṣṣut ittwamelken
D azwel n usaru i yemmugen ɣef tnaẓurt i yettwasnen nezzeh deg tmetti Taqbaylit akked yinig. Asaru-agi imselɣet{Film Documentaire} i yexdem mass Σacuṛ Keɛbac, seld tamettant n tnaẓurt.
2- Hnifa, une vie brulée
D imselɣet i yettwaxedmen akken iwata ɣef tudert n tnaẓurt Taqbaylit i yettwasnen s tezlit-is : « D ṛṛay-iw ». D asaru n sin yimeskaren{réalisateurs} : Remḍan Iftni d umddakkel-is Sami Σellam. Aḍris n mass Racid Ḥamudi.
3- Bulifa
D yiwen n usaru-imselɣet i yexdem Remḍan Iftni d Sami Σellam, ɣef umaru-amusnaw Saɛid Bulifa i yuran ddeqs n yiḍrisen d yidlisen ɣef tgemmi d umezruy n Yiqbayliyen.
4- Matoub Lounes, la voix d’un peuple (Meɛtub Lwennas, taɣect n ugdud)
D imselɣet n mass Yusef Leɛlalmi, deg useggas n 2008. Ddant-d deg-s tnagiyin d kra n tvidyutin d tewlafin n uɣewwaɣ yettwanɣan deg 25 yunyu 1998.
5- Mouloud Feraoun, un humaniste dans la tourmente
D asaru i yettwaxedmen ɣef umyaru-aselmad Mulud Ferɛun, sɣuṛ Amazigh Freelance Publicité, deg useggas n 2016.
6- Slimane Azem, une légende de l’exil
D asaru i yexdem mass Racid Mṛabeṭ, ɣef tudert d umecwaṛ n tgejdit n cna n Teqbaylit « Sliman Ɛazem », deg useggas n 2005.
