Qui est Mohand Ouzegane, qui achanté « Ttɣenniɣ Si Muḥend U-Mḥend »
Mačči d yiwen neγ d sin n yinaẓuren i d-tefka tmurt taqbaylit. Aṭas seg-sen, ur ttwasnen ara, ɣas ma yella cennun akken iwata. Yiwen gar-asen d acennay n teqbaylit Muḥend Uzeggan.
Muḥend Uzeggan, ilul deg useggas n 1944 deg n tɣiwant n Ifiɣa, n lɛeṛc n At Гebṛi i yeṭṭafaṛen tamnaḍt n Yiɛeẓẓugen, agezdu n Tizi Wezzu, deg tmurt n Yiqbayliyen.
Deg tallit-nni n ttraḍ, mi yella di Fransa, imdukkal-is ssawalen-as « Alain ». Deg tama d uzyin{beau}, deg tayeḍ imi yessen akken ilha tutlayt tafransit. Di Fṛansa, yeqdec ɣef tegrawla s yisallen i d-yettawi sya ɣer da. Yerna daɣen yekki s tedrimt.
Yebda ccna deg yiseggasen n 1960. Yecna s tutlayt-is tayemmat, ɣef tlelli, inig, tameṭṭut, d yisental nniḍen. Ixuleḍ ddeqs n yicennayen imeqqranen n tsuta-is am Kamal Ḥemmadi, Ḥasan Ʃebbasi, Ḥnifa, Yusef Abǧawi, Nuṛa, Ǧamila, Ṭaleb Rabeḥ, Akli Yeḥyaten d waṭas nniḍen.
Gar tezlain-is yettwasnen : « Ttɣenniɣ Si Muḥend U-Mḥend » i yexdem deg useggas 1963. Deg tezlit « Init-as i yemma ɛzizen », yerra tajmilt i tyemmatin d tilawin tiqbayliyin s umata. Icna daɣen aṭas n tezlatin, yall yiwet s tedyant-is.
Anaẓur Uzeggan Muḥend, yemmut ɣef tudert n 71 n yiseggasen, deg wass n 18 deg wayyur n ctembeṛ n useggas 2015. Tamḍelt-is tella-d deg Ifiɣa, gar yimawlan-is d wat tmurt-is.
