« Aǧeǧǧig n ugudu » : le premier roman de Ali Belhot
Deg tazwara n wayyur n fuṛar yezrin i d-yeffeɣ wungal amenzu n unaẓur-ameɣnas Aqbayli Ɛli Belhuṭ, ɣer teẓrgin Graine Fertile (Tigdert yeffuktin), i yellan deg temdint n Tizi wezzu.
D ungal i wumi yefka azwel «Aǧeǧǧig n ugudu ». Deg-s 324 n yisebtaren. Tazwart n wungal, tella-d s lmendad n mass Ferḥat At Sɛid (Mhenni) aselway n unavad.
Snat n temliliyin ɣef wungal « Aǧeǧǧig n ugudu » i yettwagedlen. Tamenzut, niqal ad teḍru deg temkerḍit n Imekkiren (Mkira), ilmend n wass agreɣlan n tutlayt tayemmat di 21 fuṛar. Ugin ad fken turegt i usarag ara d-yilin din. Timlilit tis snat, d asnez s ubuddu deg tnedlist n Ccix di Tizi wezzu, ass 5 deg meɣres yezrin. Sebba n wannect-a ur tban d acu-tt.
Ungal n mass Ɛli d win yettnuzun akk di tmurt n Yiqbayliyen. I wugar n yisallen tekkit da
