Décès de l'artiste « Itri Amellal » à l'age de 62 ans
Send iḍelli, 05 yebrir, i yessuffeɣ ṛṛuḥ unaẓur n teqbaylit i yettwassnen s yisem-ines n tẓuri « Itri Amellal », ɣef tudert n 62 n yiseggasen, deg tmurt n Fransa. Isem-is n tidet Ɛli Lhewwari. D mmi-s n temnaḍt n Yimceddalen, deg unẓul n tmurt n yiqbayliyen.
Yebda amecwaṛ-is n ccna deg yiseggasen n 1970. Yerna yemmuɣnes ɣer tama n Besɛud Muḥend Aɛrab deg Ugraw Amaziɣ{Académie Berbère}. Icennu ɣef umezruy n tmazɣa d yidles aqbayli. Yewwi abrid n ccna atrar, yessenṭeq-it s teqbaylit-is gezren yiḍan.
Deg useggas n 1960 baba-s yeɣli deg unnar mi yella yettnaɣ mgal tamhersa tafransist. D aya i yeǧǧan ilemẓi Ɛli ad yettaxeṛ seg uɣerbaz ɣef zik. Ur yesɛi ara winn ara ixedmen fell-as i waken ad ikemmel alemmud-ines. Yunag akken d amecṭuḥ ɣer Fransa, am netta am yiminigen n tallit-nni.
S leḥmala d wazal i yefka i leqṛaya, deg useggas n 2014, iɛawed i ukayad n BAC. Yesɛedda-t yerna yewwi-t-d s ugemmuḍ yelhan.
Deg tezlit-agi yerra tajmilt i terbaɛt n yilemẓiyen n leqbayel (JSK), i iḥemmel nezzeh.
►Message important du directeur
de publication de VAVA innova
