Mhenni Xalifi d yiwen n yilemẓi i d-tefka taddert n At Tɛisawt, i yeṭṭafaṛen taɣiwant n At Smaɛel, di Yemma Guraya, tmurt n Yiqbayliyen. Ilul 8 di Tuber deg useggas n 1990.
Mhenni iwwi-s abrid n umaru Belɛid At Ʃli d wid icuban ɣur-s. D amedyaz, d aneggal{romancier} yerna d aneɣmas s tutlayt taqbaylit d tefransist deg Uɣmis n Yimaziɣen akked Tiɣremt. Yettaru imgraden ɣef yidles, addal, timetti, d udiwwenni ɣef yimeɛḍar d temliliyin i d-yettilin sya ɣer da di tmurt.
Amyaru-agi, yekki deg aṭas n temsizzlin d tfaskiwin i d-yelan di tmurt n Yiqbayliyen. Ama s tmedyazt di tafaska n Udrar n fad neɣ s tullisin d wungaldi Tiregwa tasebddit takanadit i tmaziɣt. Di tfaskiwin-agi, yewwi umyaru-agi ddeqs nwarrazen.
Deg useggas n 2018, yettunefk-as warraz n tsekla «Asya Ǧebbaṛ». Imi yekki di teẓrigt-ines tiss ukuẓt, s wungal-ines « Imehbal ». Ungal-agi yeffeɣ-d ɣer teẓrigin Ccix Muḥend U-Lḥusin, i ɣef yella mass Mbarek Gamar d imdebbeṛ.
Yessuffeɣ-d Xalifi yiwen uḍebsi n ccna s Teqbaylit, anda yekki unaẓur ameqqran Zedek Mulud. Rnu ɣer waya, Mhenni yessnulfa-d arraz n umagrad ifazen ɣef tudert n Dda Lwennas Meɛtub, anda tekki yid-s ultma-s Kaysa Xalifi, i yemmuten deg 25 yunyu n useggas 2018.
Deg wayen yerzan ccna, Mhenni yekfa asekles n uḍebsi-ines wiss sin. Yettṛaǧu tura akka ad yifakk fell-as wugur n tezṛigin iwakken ad d-yeffeɣ.
Idlisen i d-yessaẓreg :
- Nnehta d uḥulfu, (ammud n yisefra) – 2014
- Asdawan deg urebbi n wussan, (ungal) – 2014
- Nna Geltum, (amudd n tullisin) – 2016
- Imehbal, (ungal) – 2018
- Azeṭṭa n wawalen – 2019
- Awtul d yifker (tamɛayt) – 2020
Iḍebsiyen:
- Tifrat, aḍebsi n cna, 2015
