Reprise de "Weltma" par plusieurs artistes en Hommage à Idir
Si tmettant n unaẓur Yidir ɣer da, aṭas n yinaẓuren iqbayliyen d yibeṛṛaniyen i as-yerran tijmilint. Deg tallit-a n ukman{confinement} i d-yeseɣli unfafad n Covid-19 ɣef talsa, Beɛlid Abranis s tallelt n kra n yinaẓuren rran tajmilt i unaẓur aqbayli Yidir, s tezlit « Weltma ».
H-at-a wayen i d-yenna Belɛid ɣef tejmilt-agi : « Tizlit-agi s uzwel « Weltma » n Yidir yerra deg-s tajmilt i tmeṭṭut. Si tama-nneɣ di tallit-agi n ukman, necna-tt-id i wakken ad as-nerr tajmilt i netta. Inazuṛen i yekkin di tvidyut-agi, llan deg-sen wid yecnan d Yidir yakan ».
Kkin di tejmilt-agi ddeqs n yinazuḍen am Sidi Bimul, Ɛmar Ɛemaṛni, Jasmina Petrovic, Redwan Nehar, Yasin Ḥeddad, Nazim Kri, Ɛmar Acawi d Samir Sebban. Yall anaẓur neɣ amẓawan{musicien} deg-sen yekki di leqdic-agi seg uxxam-is, imi deg tallit-agi mazal anfafad n Covid-19 ihemmej irennu.
Tizlit-agi « Weltma » ixdem-itt Yidir, deg-s yerra tajmilt i tmeṭṭut d yizerfan-is yettwarekḍen di tmetti.
