Ussan yezrin, yiwet n twacult di taddert n Temɛerrest i yeṭṭafaṛen taɣiwant n Tizi n Berbar, tger-d tiɣri i yimdanen ad as-d-fken tallelet, i wakken ad εiwden lebni n uxxam i deg ttidiren.
Axxam-agi dɣa i deg ttidiren yiɛeggalen n twacult-a yeɛya mliḥ. Yeqdem ayen dinn, drus i mazal ad yeɣli. Ula d iḍes-nsen s unezgum imi ttkukrun ad d-yeɣli fell-asen. Yerna, yall tikkelt i deg ara sutren tallelt di deg yimḍebbṛen n tɣiwant n Tizi n Berbar, ad asen-d-inin d akken ilaq as sebṛen. D acu kan, si teswiɛt am tinna, ssbeṛ yesɛa tilisa.
Ɣef waya yiwet n terbaɛt n yilemẓiyen n taddart n Medkur, terra-d i tiɣri n twacult yenḥafen. Ṭṭfen-d tiwlafin i uxxam, zuzren-tent deg yizeḍwa, syinn akin εeddan ɣef wid yesɛan tadrimt akked wallalen n lebni, i wakken ad d-jemɛen ayen i ḥwaǧen.
Aṭas i d-yefkan tallelt itwacult-a, yall wa s wayen yezmer, ɣas akken tallit n Covid-19 i deg i nella tewɛer nezzeh. Akka i d Iqbayliyen d iwiziwen si zik n zik.
S tigawt i xeddmen yilemẓiyen-a armi sawḍen bdan lebni n uxxam. Annect-a d ayen i d-yerran asirem i twacult yenḥafen d iseggasen aya.
Wid d tid yebɣan ad d-fken tallelt zzemren(t) ad siwlen(t) ɣer wuṭṭunen-a:
07 78 19 74 94
06 61 54 84 71
Afus deg ufus, taɛkemt s tiwizi ad tifsus.
