Awal γef Ʃmer Mezdad, yiwen seg tgejda n tsekla Taqvaylit

,

Leqdic-is d amerkanti, yerna d win yevnan γef wazalen n tmetti taqvaylit, d itri i d-fkan igenwan i wakken a d icebbeḥ tasekla taqvaylit, wa tt-yessali d asawen.

Ʃmer Mezdad d yiwen gar imyura imeqqranen i d-turew tmurt n Yiqvayliyen, akal i d-yefkan aṭas n yirgazen d tlawin i irefden anay n umennuγ s tira. Ilul deg ugezdu n Tizi Wezzu, deg useggas n 1958. Ixeddem d amejjay di Vgayet.

Γas ma yella amahil n mas Mezdad deg uḥric n tujjya, maca aya-gi ur as-yella d afrag neγ d ugur i wakken ad yanef i uvrid n tira d tsekla, akken i d-ufan sebba xilla n yimdanen i yezgan rrewlen γef tmagit-nsen ddaw tecḍaṭ n uxeddim-nsen.

Vav n “tfunast n yigujilen” d win yettaken aṭas n wafus n tallelt i kra n umdan neγ d amaru i yewḍen γur-s, ama s wawal yelhan neγ s tikti neγ s tira.
D amedyaz i yevdan yessefraw deg iseggasen-nni n 70. Mačči d yiwen neγ sin i yecnan tamedyazt-ines. Gar-asen Cennud, Tagrawla d wiyaḍ

Yekki deg uslal n ugraw n ccna “Imaziγen Imula” γer tama n mas Ferḥat. Yurar amezgun, iga aṭas n tezwarin i yedlisen n yimyura d yimedyazen. Yerna yesnulfa-d yiwet n tesγunt n trisiti ayamun.com deg-i ara d tafem tasekla tazdgant yevnan γef lsas atrar.

Idlisen i d-yessaẓreg:

Tafunast igujilen, d ammud n yisefra, 1977
Iḍ d wass, d ungal, 1990
Tagrest urγu, d ungal, 2000
Tuγalin, d ammud n tulisin, 2003
Ass-nni, d ungal, 2006
Tettḍili-d ur d-tkeččem, d ungal, 2014
Yiwen wass deg tefsut, d ungal, 2015
Adlisfus n usemres tmaziγt tatrart s talaγa n pdf

Akken daγ i yexdem tasuqilt i wammud-ines n tullisin ‘’Tuγalin‘’ γer tutlayt n Molière (Tafransist), yeffeγ-d s uzwel “Retour”.
D idlisen ara tafem ttnuzun akk di tnedlisin n tmurt Tavvaylit.