Deg yiwet n tvidyut i yettwazzuzeren deg ass n 11 deg aggur-agi n tuver deg usevter n facebook n Tiddukla n Tlawin Tiqvayliyin (Union des Femmes Kabyles), tiɛeggalin d tmeɣnasin i yettidir deg inig xedmen-t yiwet n tigawt {Action} s wazal-is. Tigawt-agi fkan-t-as isem « Taḥacit Taqvaylit », iswi-ines d aseḥviver mgal axenzir n tebbuct{Cancer de sien}
Tiɛeggalin n tuddsa UFK fuṛsen-t tagnit, deg ugraw i d-yellan di Stalingrad i wakken ad gren-t tiɣri i tlawin s umata, tiqvayliyin ladɣa, bac akken ad xedmen-t inadiyen wa d-rezzun-t yal sin iseggasen ɣer imejjayen n tlawin {Gynécologues}, acku aṭṭan-agi ad yeshel mliḥ ma yufa-t umejjay send ad d-yezzi i tfekka.
Deg ulɣu i d-rran-t di Facebook nnan-t-d tɛeggalin n UFK : « nevda awelleh d wawal ɣef waṭṭan-agi ddurt yezrin, tigawt-agi nefka-as isem Taḥacit Taqvaylit. Ass-a yewwi-d ad nɛaned ɣer umaḍal, imi yal aseggas aṭas n yiɣerfan n ddunit i d-iteffɣen yal aggur n tuver, am yirgazen am tlawin, zgan heddren(t) ɣef twuɣa swayes i d-igellu uxenzir n tebbuct, d wamek i d-yettili usuji-ines. Akken daɣ i d-ttawin yid-sen ticettiḍin d tixuxiyin ».
S leqdic d uwelleh ara d ldin-t tewwura n ḥellu seg aṭṭan, ilaq yal tameṭṭut ad tekkes asetḥi-nni ur nelhi, acku ulac kra n lɛiv deg-s. D aṭṭan am netta am wiyaḍ.
Ini-agi {Couleur} axuxi d azamul n yiveddi ɣer tlawin n umaḍal i yuḍnen aṭṭan « axenzir n tebbuct » akken ma llan-t.
