Deg yiwet n tvidyut ur newwiḍ ara azgen n dqiqa, i yettwazzuzren deg usevter unṣiv n tiliẓri Berbère Télévision di facebook, mmi-s n urgaz asertan d umeɣnas Xaled Tazaɣart, iwemi yefka isem Ayt Ḥmed, yegra-d tiɣri i Yiqvayliyen d Teqvayliyen, yessawel-d i Yimaziɣen anda ma llan, iwakken ad qedcen(t) bac ad yeffeɣ vava-s seg lḥevs, wa d-ilin ɣer yidis-nsen.
Ayt Ḥmed mmi-s n umeɣnas Xaled Tazaɣrt, ɣas d ameẓyan yefhem, yerna yeẓra belli d akken d ayen Iqvayliyen i izemmren ad ilin ɣer yidis n twacult-is, ad d-ddun ɣef vava-s, alamma yeffeɣ-d d ilelli. I yimceggeɛ n Brtv s tevɣest, yenna: « Azul fell-awen ay atmaten, a tisetmatin, a Leqvayel a Tiqvayliyin, a Yimaziɣen anda ma tellam. Nek d Ayt Ḥmed Tazaɣart, d mmi-s n Xaled Tazaɣrt, ɛiwent-aɣ iwakken ad yeffeɣ vava seg lḥevs n leḥkem amesvaṭli. Nek d watmaten-iw ncedha-t aṭas. Ass-a azekka tagrawla tella, ass-a vava yella yella. »
I usmekti mas Xaled Tazaɣart yettwaṭṭef deg ass n 26 di ctember yezrin, azekka-nni n 27 iεedda deg uxxam n creɛ deg Uqvu, ḥekmen fell-as s useggas n lḥevs, d 100 000 n yidinaren d tavzert{Tavzert}.
Send ad yeɣli di tcerket n udavu, mas Tazaɣart yella seg wid i d-yesveginen iveddi-ines ɣer kra n win jemɛen neɣ yettwaṭṭefen. Yettwajreḥ yakan di ccwalat i d-yellan di tmurt Taqvaylit, assmi d-llant tefranin n tselwit n Lezzayer, akken daɣ i yettwṭṭef acḥal n tikkal, ama di Vgayet neɣ anda nniḍen.
Mmi-s n Tezmalt d amazan{Député} ayiwen i d-ijevden iman-is seg useqqamu aɣerfan aɣelnaw, seg mi d-tevda tnekra n fuṛar. Yella seg widak i yettaran ṣṣerf i yimeɛfan s daxel n APN, ladɣa widak-nni i d-yekkaten deg Iqvyliyen d Timmuzɣa. Akken daɣ i ysken ivedd–ines ɣer yidis n yimeɣnasen iwemi tugi Lezzayer ad tevru i yimsinigen-nsen.
