Ass-nni n 21 deg waggur-agi n tuver, i d-yeffeɣ s wudem unsiv wungal n tlemẓit Racida At Sidhum (Rachida Bensidhoum), ɣer teẓrigin Achab, di Tizi Wezzu.
D ungal i tebvḍa-t tmeskart ɣef 07 n yiḥricen, ddan-d deg-s 212 n yisevtar. Unuɣ{Dessin} d tduli{Couverture} llan-d s lmendad n mass Ɛeccab. « Icenga n talsa » d win ara d-tafem yettnuzu deg n tnedlisin n tmurt Taqbvaylit. Ssuma-ines 550 n yidinaren.
Tukkist seg ungal « Icenga n talsa »
Yugurten irefden deg ul-is tayri n wayen akk yelhan. Asss mi yewweḍ d ilemẓi yeǧǧuǧeg wul-is akter s tayri n teqcict i yessarem ad d-tili ɣer sdat d tameṭṭut-is, yedder s usirem-a,ɣas yenneɛtab maca ur d-yecqi ara acku Ḥayat tga-as tabɣest ɣas yemmuger-d urfan d wuguren. Assaɣ-is netta akked d ḥayet yella-d am teḍwiqt iseg d-yettḍilli akken ad iwali ayen ideg tedder tmurt n lezzayer,d tayri i t-yessawḍen ɣer tisselbi maca d tisselbi d-inebcen amḍiq n ucengu seg yicenga yellan reggin deg tala zeddigen akken ad tt-sluɣen s yidim,s tkerkas,s tekmamt icudden iles akken ur d-yeqqar ara ayen yebɣa.
Tayri ur telli kan ger sin myeḥmalen maca ,tella tayri n wakal,n tmurt, n tutlayt, n tlelli. Dɣa tilelli ɣur-neɣ ur tesɛi azal âs yettunefk-as maca tettwarez s tlisa n lmut win tent-iɛeddan ad yebnu ɣef tudert-is ad truḥ d asfel.
Agzul ɣef tudert n Racida
Massa Uld Lḥusin Racida, d tameskart, tamedyazt, d taselmadt n tutlayt d yidles Amaziɣ. Tlul deg ass n 16 deg wunbir, aseggas n 1987, di taddart Derna, i yeṭṭafaren taɣiwant n At Budrar, deg At Yenni.
Mi d-tewwi akayaḍ-ines n BAC, tekcem ɣer tesdawit n Mulud Mɛemmeri, di Tizi Wezzu, din i teḍfer almad n tutlat d tsekla Taqbaylit. Deg useggas n 2013 tewwi-d turagt{Licence}, deg useggas n 2016 tekfa aḥric n master. Akka tura tettkemmil almad n duktuṛa-ines.
D tamedyazt i yessefrawen ɣef tudert n yal ass, tayri d yiḥulfan, tayemmat d yiɣevlan n tudert. Isefra-is imezwura texdem-iten mi tella d tanelmadt deg uɣervaz alemmas, tḥemmel nezzeh amedyaz-anaẓur ameqqran Lewnis Ayt Mengellat.
Deg useggas n 2016 tessuffeɣ-d ammud-is amezwaru n tmedyezt, ɣer teẓrigin Art plume, tefka-as azwel : Keltuma, yemma taɛzizt. S wammud-agi terra tajmilt i yemma-s i yenɛettaven ɣef twacult-is
Idlisen i d-tessaẓregt :
– Keltuma, yemma taɛzizt, 2016
– Lḥif d usirem, ungal, 2018
– Init-as i gma, ammud n tmedyezt, 2019
– Icenga n talsa, ungal, 2020
