Simmal yettnerni umḍan n wungalen i d-iteffɣɣen s tutlayt Taqbaylit. Deg ussan-agi yezrin ilemẓi Belɛid Belqasem, iberreḥ-d s yisalli iuheggi n usuffeɣ n wungal-is amezwaru, iwemi yefka azwel: « Asfel n tayri ».
Agzul ɣef tudert n umaru
Ilemẓi Belɛid Belqasem, ilul deg wass n 11 deg yennayer n useggas 1996 deg Udekkar. D win yettidirin di taddart n Henged. Yeɣra deg tesnawit n Udekkar, deg useggas n 2016 i d-yewwi akayaḍ-ines n bakaluṛiya, yella yeqqaṛ deg uḥric n tutlayin tiberraniyin.
Syin yefren tasdawit n Ɛebdeṛeḥman Umira n Bgayet. Din yeḍfeṛ tutlayt d yidles Amaziɣ, yewwi-d turagt di tsekla. Akka tura yettkemmil tizrawin-ines deg uḥric n Master.
Ugar aya, ilemẓi n Udekkar, yexdem asileɣ (Formation) d amekfaḍu n tiliẓri d umaṭṭaf (Animateur TV – Radio).
Agzul n wungal
Rezqi d awḥid i d-sεan imawlan-is, segmi i yemmut baba-s , ugaren-d netta akked yemma-s.
Deg ussan n umaris id yemlal taqcict yecban titbirt mellulen, tekcem ul-is deg tmuɣli tamezwarut, deg wassn ur ttyeẓri, yezza wul-is fell-as ikhaq fell-as aṭas.
D tuɣalin ɣer tesdawit, inelmaden ad myussanen ad ldint tewwura n tmusni. Deg temsirt tamezwarut id yemlal d Kahina tin i ɣef yettnadi ddeqs aya ttyeẓri.
Maca teffeɣ-as tirga mxalfa imi taqcict ur stefki ara azal.Aqcic amzun yeɣli-d udrar fell-as, yal ass yettwali-tt tayri-ines s imal trennu ugar.
Yewweḍed wass Kahina tuḍen tewweḍ ɣer lmut ! maca Rezqi ur yesmiḥ ara d ttin iḥemmel ɣas ulama ur teẓri ara s tayri-s, iruḥ yeqsed-itt yefka-as tigzelt-is war ma yeεlem yiwen ala netta d umejjay-is d umeddakel-is.
Teḥla teqcict, tuɣaled ɣer tesdawit maca yal ass tɣunza Rezqi.Zrin wussan kahina tufa-d dakken d rezqi i syefkan tigzelt-is akken ad tt-idir… tnuda fell-as acḥal ur d-iban ara, iεedda lawan arnu uguren d wurfan i d-yekkan sɣur baba-s.
Layas yeɣli-d ɣef kahina imi d Rezqi kan ma ulac ala. Tafat teflali-d gar idurar d Rezqi i d-yuɣalen.
Temlal tayri gar-asen, testeqsa-d lehna mzawaǧen sutren tinigt ɣer tmurt n kanada ruḥen ddren din-a s lεez d lḥeṛma.
