« Kra seg tedyanin n zik » d adlis amezwaru i d-yeffen ɣer teẓrigin « Achab » deg usegas-agi n 2021. Yura-t umeskar-amnadi mass Reman Lesḥeb. Deg wass n 04 deg yennayer-agi yezrin i yekcem ɣer n tnedlisin n tmurt n Yiqbayliyen, d ixxamen-agi n teẓrigin i d-yelhan d uzuzzer-ines : L’Odyssée, Planétaire, Chihab. I usmekti, adlis-agi yettnuzu s wazal 350 n yidinaṛen.
Ayen i d-yeddan deg udlis-agi, d ayen i d-yegmer umeskar-amnadi mass Remḍan Lesḥeb γer yimedden, ilqeḍḍ-iten-i-d seg yimawen n temɣarin, imɣaren neɣ wid yecfan s umata. D ayen i nnan yimezwura deg tsuta yezrin, d ccfayat, ladγa deg tallit-nni n temharsa tafṛansist.
Ciṭ seg tmeddurt n umeskar
Mass Remḍan Lesḥeb, d mmi-s n temnaḍt n Wat Dwala, deg Tizi Wezzu. Yeqdec d aselmad n tutlayt d yidles Amaziɣ deg temnaḍt-ines. Tikwal yettaru imagraden deg kra n yiblugen d yiɣmisen. Akken daɣ i yefka azal i tgemmi taqbuṛt, yelha d ugmar n yicewwiqen, inzan, d wansayen n yimenza, aṭas i d-yessukkes si nnger.
Ikemmel anadi-ines akked leqraya, dɣa deg useggas n 2019, yewwi-d Duktuṛa-ines deg uḥric n tussna n usedwel ɣɣef tgemmi tadelsant, seg tesdawit n Pau i yellan di Fṛansa. D atiknisyan n tmeṭmurin n tsenzikt (Technicien des fouilles archéologique).
Ugar aya, mmi-s n Wat Dwala, yettwanced ɣer waṭas n yisaragen d temliliyin tussniwin, akken daɣ i yefka aṭas n tdiwenniyin i yimaṭṭafen n Teqbaylit, akked tiliẓriwin.
Idlisen i d-yessaẓreg
- Zik-nni deg Wat Dwala, 2009
- Chants de guerre des femmes Kabyles, 2010
- Lgirra n 1954-1962 deg tmedyazt n tlawin, 2014
- Autour de la civilisation Amazighe 2014
- Monographie d’un village Kabyle, Tala Khellil, 2015
