Ammas adelsan Amaziɣ n Lpari, s lmendad n tuqqna n Yimaziɣen n Fṛansa {Coordination des Berbères de France} gren-d tiɣri i yiminigen Iqbayliyin, ama i yimeqṛanen neɣ imeẓyanen, iwakken ad jerrden iman-nsen s ttawil n internet, bac ad d-ɣren tutlayt Taqbaylit.
Aselmed n tutlayt Taqbaylit akken i d-tberreḥ tuddsa-agi n CBF, ad d-yili s ttawil n tɣerɣert Zoom. Ahil-nsen d amerkanti, deg-s timsirin, taɣuri, akked temsirin n uẓawan d ccna.
Iɛeggalen n tuddsa CBF, bḍan ussan n uselmed ɣef sin n yiḥricen. Amezwaru i warrac imecṭaḥ, ara d yilin deg wass n ssebt, akked lḥed taṣebḥit. Ma d imeqṛanen d wid ara yeɣren deg wass n lḥed, akked wussan n yimalas seg 18:30 ɣer 20h.
I wugar n yisallen, wid, tid iran ad kkin(t), tzemmrem(t) ad d-taznem ɣer tansa-agi : [email protected] neɣ ad tessiwlem ɣer wuṭṭun-agi : 07.63.19.66.48.
