Iḍelli tasebḥit, 15 furar 2021, ɣef 09:00, i iɛeddan di teɣdemt n Lezzayer yimeɣnasen n timunent n Tmurt Taqbaylit. Ilmend n waya, ddeqs n yimdanen d yimeɣnasen i d-yemlalen tama tnefrut{tribunal} n Uqbu nutni ttawin iberriḥen d tewlafin deg yifassen-nsen. Tsawel-d i yimyegrawen-a{inejmuɛen} Tuqqna{Coordination} Tamnaḍant n Usamar n MAK.
Daɣen, yella-d sendiḍelli umyegraw nniḍen n tdukkli, i d-isuddes Useqqamu n udhal{soutien} i yimeɣnasen n At Ɛebbas, deg taddart n Tizi Uselwan akken ad d-beggnen ibeddi-nsen ɣer yidis n yimeɣnasen imunaẓriyen{indépendantistes} n At Ɛebbas i tettcewwil teɣdemt n udabu azzayri, ladɣa Bilal Ɛemmuri. Ula d imezdaɣ n temnaḍt-nni ddan-d yid-sen, ɣef wakken i d-nnan yimekkiyen.
Ad d-nesmekti dakken, nnig unejmuɛ n yiḍelli, heggan-d daɣen yimeɣnasen n At Ɛebbas isiharen nniḍen n yibeddi ɣer watmaten-nsen i wussan-a n sdat-neɣ. Tiɣri ceyyɛen-tt yakan i yal ameɣnas, d Yiqbayliyen s umata, akken ad kkin s nezzeh deg wahil n tigawin-a ara d-yilin akka:
- Aram 16 furar 2021, amyegraw deg Wiẓran ɣef 17:00.
- Amhad 18 furar 2021, amyegraw deg Genduz ɣef 17:00 daɣen.
Ma yella d ass n sed 20 furar 2021, tella deg wahil yiwet n tikli n tallelt d tdukkli, deg Genduz dima, ɣef 11:00.
Yuwi-d ad d-nmeslay daɣen ɣef wayen gan Yiqbayliyen n yinig i d-iheggan si tama-nsen, sendiḍelli acer di Paris, yiwen n umlaqi ɣef yimeɣnasen Iqbayliyen, ideg i d-wwten tugart s tɣennant i txeddem Lezzayer.
