I usmekti n tedyanin n tefsut n 80, d umulli wis 20 ɣef tefsut taverkant, tuqqna n umussu n Ufraniman n tmurt n Yiqvayliyen MAK-LEMAN, akked Tiddukla n Yiqvayliyen n Swis (AKS), gren-d tiɣri i yiminigen Iqvayliyen iwakken ad d-ilin s tugett deg ugraw ara d-yilin deg wass n 24 deg yevrir-agi sdat-neɣ.
Timlilit-agi d tin ara ad d-yilin sdat n uxxam n tuddsa tagraɣlant UNO, di Genève (tamurt n Swis) ɣef 14h n tmeddit.
Tigawt-agi tevna ɣef sin n yiswiyen igejdanen, amezwaru d asuter n tlelli n yinekraf (Détenus) Iqvayliyen, i yellan di leḥvas n tmurt n Lezzayer. Iswi wis sin d asuter n uzref agraɣlan neɣ Timunent i Tmurt Taqvaylit.
Iqvayliyen ur nessaweḍ ara ad d-ilin di Genève neɣ wid yellan di tmurt, zemmren ad d-ḍefren timlilit-agi di srid ara d-yilin di tiliẓri n umussu Taqvaylit TV neɣ deg Siwel, s ttawil n Facebook.
Di taggara, imsuddsen n telmilit-agi, smektan-d i wid d tid ara yekkin deg ugraw, ad d-glun s tekmamin (Masques), akken daɣ ara d mbeɛaden wa ɣef wayeḍ, deg yiswi n useḥviver ɣef tezmert, i mi anfafad n kuṛuna ur ɛad yekfa.
