Agraw n tezlit Tacawit « Iwal » ad yecnu deg tzeqqa n sinima n Ticci

,

Tiddukla n tmetti d yidles Art Cœur n tɣiwant n Ticci, tettkemmil deg leqdic-ines adelsan, i d-tessuddes i teɣzi n 20 n wussan, s yiwen n wahil d amerkanti.

D leqdic i yebdan deg wass-nni 20 yebrir s tefsart n yidlisen (Exposition), talilt « Itran n uzekka », tamezgunt « Afniq », akked ccna sɣur terbaɛt « Ifṭiwjen ». D ahil ara yekfun s yiwen n ubaraz (Concert) ass n 10 deg mayyu.

I yiḍ-agi n 08 deg mayyu ɣef lewhi n 21h30, tezzid nuba n ugraw n tezlit n tmurt n Yicawiyen Iwal, timlilit d tin ara d-yilin deg tzeqqa n sinima n temdint n Ticci, takcumi tesqam-d 200 n yidinaṛen.

I wid d tid ur neẓri ara, iɛeggalen n tiddukla-agi, nnan-d d akken tadrimt-agi ara d-ḥellin seg leqdicat-ik, kra seg-sen ad xelṣen yes-sen allalen, d wayen icudden ɣer wahil-nsen, wiyaḍ, ma yella wayen i d-yeqqimen ad d-kemmlen yes-sen aṣeggem n tzeqqa n sinima.

I usmekti, ass-a ɣef 15h deg uxxam adelsan Idir Ɛacuṛ, i yellan deg Bakaṛu, ad ella-d yiwen n usarag-askasi akked umaru d bab n uxxam n teẓrigin Afriwen, mass Ulebsir Racid. Timlilit-agi tella-d s lmendad n tiddukla Asaki n Ticci.

Retrouvez-nous sur notre page @Facebook et sur #Instagram ! Abonnez-vous à notre chaîne ►YouTube